Contractors’ All Risk Erection All Risk

ဆောက်လုပ်ရေးလုပ်ငန်းအလုံးစုံအန္တရာယ်အာမခံသည် ဆောက်လုပ်ရေးနှင့် မြို့ပြအင်ဂျင်နီယာ လုပ်ငန်းများအတွင်း မမျှော်လင့်ထားသော နှင့် ရုတ်တရက်ဖြစ်ပေါ်လာသော ရုပ်ပိုင်းဆိုင်ရာ ဆုံးရှုံးမှုများ သို့မဟုတ် ပျက်စီးမှုများကို အကာအကွယ်ပေးသည့် အလုံးစုံအန္တရာယ်အာမခံ ပေါ်လစီတစ်ခု ဖြစ်ပါသည်။ ဤအာမခံသည် နေအိမ်အဆောက်အအုံများ၊ စီးပွားရေးနှင့် စက်မှုလုပ်ငန်း အဆောက်အအုံများ၊ အခြေခံအဆောက်အအုံစီမံကိန်းများကိုလည်း အကာအကွယ်ပေးပါသည်။ ထို့အပြင် ဆောက်လုပ်ရေးလုပ်ငန်းတွင် အသုံးပြုသည့် စက်ပစ္စည်းများနှင့် ကိရိယာများကိုလည်း အာမခံအကာအကွယ်ပေးပါသည်။ အာမခံပေါ်လစီတွင် ဖော်ပြထားသော အထူးအကျုံးမဝင်သော အန္တရာယ်များမှ လွဲ၍ အာမခံကာလအတွင်း ဆောက်လုပ်ရေးလုပ်ငန်းများ၏ ကြိုတင်မမြင်နိုင်သော သို့မဟုတ် မတော်တဆဆုံးရှုံးခြင်း သို့မဟုတ် ပျက်စီးခြင်းအတွက် အန္တရာယ်များကိုလည်း အကာအကွယ်ပေးပါသည်။ ထို့အပြင် CAR အာမခံသည် သူတစ်ပါး ဒဏ်ရာရရှိမှု သို့မဟုတ် ထိခိုက်ပျက်စီးမှုများအတွက် ဥပဒေအရတာဝန်ရှိမှုကိုလည်း ကာကွယ်ပေးပြီး အာမခံထားသော ကန်ထရိုက်တာအား သူတစ်ပါး ကိုယ်အင်္ဂါထိခိုက်ဒဏ်ရာရရှိမှု သို့မဟုတ် ပစ္စည်းထိခိုက် ပျက်စီးမှုများကြောင့်ဖြစ်ပေါ်လာသည့် ဥပဒေအကြောင်းအရ ပေးလျော်ရန် တာဝန်ရှိမှုများကို အကာအကွယ်ပေးပါသည်။ 

တပ်ဆင်ခြင်းလုပ်ငန်းအလုံးစုံအန္တရာယ်အာမခံသည် စက်ယန္တရားများနှင့် စက်ရုံများ တပ်ဆင်ခြင်းနှင့် စမ်းသပ်ခြင်းအပါအဝင် စာချုပ်အလုပ်များတွင် ဖြစ်ပေါ်လာနိုင်သည့် မမျှော်လင့်ထားသော နှင့် ရုတ်တရက်ဖြစ်ပေါ်လာသော ရုပ်ပိုင်းဆိုင်ရာဆုံးရှုံးမှုများ သို့မဟုတ် ပျက်စီးမှုများကို အကာအကွယ် ပေးသည့် အလုံးစုံအန္တရာယ်အာမခံပေါ်လစီတစ်ခု ဖြစ်ပါသည်။ စက်ကိရိယာနှင့် စက်ယန္တရားများ၏ ရုပ်ပိုင်းဆိုင်ရာ ထိခိုက်ပျက်စီးမှုများအတွက် အကာအကွယ်ပေးသည့်အပြင် ဤလုပ်ငန်း လည်ပတ်မှု များမှ ဖြစ်ပေါ်လာသည့် သူတစ်ပါး ကိုယ်အင်္ဂါထိခိုက်ဒဏ်ရာရခြင်း သို့မဟုတ် ပစ္စည်းထိခိုက် ပျက်စီးခြင်းတို့အတွက် အာမခံထားသော ကန်ထရိုက်တာမှ ဥပဒေအရ ပေးလျော်ရန်တာဝန်ရှိမှုကို လည်း အကာအကွယ်ပေးပါသည်။ 

• လုပ်ငန်းပိုင်ရှင် 

• ကန်ထရိုက်တာ/လက်ခွဲကန်ထရိုက်တာ 

• အကြံပေးအင်ဂျင်နီယာများ 

CAR/EAR အာမခံပေါ်လစီများသည် ဆောက်လုပ်ရေး သို့မဟုတ် တပ်ဆင်ခြင်းလုပ်ငန်း၏ စီမံကိန်းစတင်ချိန်မှ ဆောင်ရွက်မှုအဆင့်တိုင်းကို အကာအကွယ်ပေးပြီး စီမံကိန်းကာလအပြီးထိ အကျုံးဝင်ပါသည်။ ထို့အပြင် စီမံကိန်းအပြီးသတ်ပြီးနောက် ဖြစ်ပေါ်လာသော ဆောက်လုပ်‌ရေးမှ အပြစ်အနာအဆာများ သို့မဟုတ် ပြဿနာများကို ကန်ထရိုက်တာမှ ပြုပြင်ထိန်းသိမ်းနေစဉ် ကာလအတွက်လည်း အာမခံအကာအကွယ် ပါဝင်နိုင်ပါသည်။ ဤပြုပြင်ထိန်းသိမ်းမှုကာလတွင် ကန်ထရိုက်တာများသည် စာချုပ်ပါ ရည်ညွှန်းချက်များနှင့်အညီ ထမ်းဆောင်ရမည့် တာဝန်များကို စစ်ဆေး၊ ပြန်လည်ပြုပြင်နေစဉ်ကာလအတွင်း အာမခံပေါ်လစီစည်းကမ်းချက်အရ အကျုံးဝင်သည့် ထိခိုက်ပျက်စီးခြင်း သို့မဟုတ် ဆုံးရှုံးမှုများဖြစ်ပေါ်ပါက အကာအကွယ်ပေးပါသည်။ 

CAR/EAR အာမခံတွင် သူတစ်ပါး ပေးလျော်ရန်တာဝန်ရှိမှုအာမခံအကာအကွယ် ပါဝင်ပါသည်။ ဤအကာအကွယ်သည် ဆောက်လုပ်ရေး သို့မဟုတ် တပ်ဆင်ခြင်းဆိုင်ရာ လုပ်ငန်းလုပ်‌ဆောင်မှု များကြောင့် သူတစ်ပါး ကိုယ်အင်္ဂါထိခိုက်ဒဏ်ရာရခြင်း သို့မဟုတ် ပစ္စည်းထိခိုက်ပျက်စီးခြင်းဆိုင်ရာ လျော်ကြေးတောင်းဆိုမှုများအတွက် အကာအကွယ်ပေးပါသည်။ စီမံကိန်းလုပ်ငန်းအတွင်း သူတစ်ပါးသို့ ထိခိုက်နိုင်သော မတော်တဆမှုများ သို့မဟုတ် ဖြစ်ရပ်များမှ ကြုံတွေ့ရသော ဥပဒေရေးရာနှင့် ငွေကြေးဆိုင်ရာ ပြဿနာများမှ အာမခံထားသူများအား အကာအကွယ် ပေးထားပါသည်။ 

အသေးစိတ်အချက်အလက်များနှင့် ရှင်းလင်းချက်များအတွက် မေးခွန်းများ ရှိပါက KBZMS Call Center (+959) 9500 77000 သို့ ဆက်သွယ်မေးမြန်းနိုင်ပါသည်။ 

ပရီမီယံပေးချေမှုအတွက် Debit Note ကို လက်ခံရရှိပြီးနောက် KBZMS ရုံးချုပ်/ရုံးခွဲများမှတစ်ဆင့် သို့မဟုတ် KBZ Bank QuickPay ဝန်ဆောင်မှုများမှတစ်ဆင့် သို့မဟုတ် အခြား KBZMS မှ သတ်မှတ်ထားသော Mobile Banking အကောင့်များမှတစ်ဆင့် သို့မဟုတ် Internet Banking သို့မဟုတ် နီးစပ်ရာဘဏ်ခွဲများမှတစ်ဆင့် KBZMS ၏ ဘဏ် အကောင့် များသို့ တိုက်ရိုက်ပေးချေနိုင်ပါသည်။ ဘဏ်အကောင့် အသေးစိတ်အချက် အလက်ကို Debit Note တွင် ကြည့်ရှုနိုင်ပါသည်။ ဉမင်လှိုဏ်ခေါင်း၊ ဆည်ကာတာ၊ ရေပိုလွှဲ၊ လေဆိပ်နှင့် မြေအောက်ဈေးဝယ်စင်တာများ ဆောက်လုပ်ဆဲကာလတွင် ဖြစ်ပေါ်လာနိုင်သော အန္တရာယ်များကြောင့် ဆုံးရှုံးမှုကို ကာကွယ်ရန် တည်ဆောက်‌ရေး လုပ်ငန်းလုပ်ကိုင်သူ လုပ်ငန်းရှင်များအတွက် လိုအပ်သော အာမခံအမျိုးအစားတစ်ခု ဖြစ်ပါတယ်။

မတော်တဆမှုဖြစ်တဲ့အခါ KBZMS Call Center (+959) 9500 77000  သို့ ချက်ချင်းအကြောင်းကြားပြီး အောက်ပါတို့ကို အသိပေးရန်လိုအပ်ပါသည်။ 

• မတော်တဆဖြစ်မှုဖြစ်စဉ်၏ အသေးစိတ်အချက်အလက်များ 

• မတော်တဆဖြစ်မှုတည်နေရာ 

• ဆက်သွယ်ရမည့်အချက်အလက်များ (အမည်၊ ဖုန်းနံပါတ်) 

သက်ဆိုင်ရာ လျော်ကြေးအဖွဲ့က သင့်ထံသို့ အခြားလိုအပ်သောစာရွက်စာတမ်းများကို ဆက်သွယ်တောင်းဆိုပါလိမ့်မည်။